無錯，只要腰骨挺直，坐喺OFFICE都可以瘦身！

坐低嘅時候，記住唔好「軟賴賴」攤喺張凳度；挺直腰骨坐，呼吸自然就會變深，比平時吸多咗氧氣，有助提高燒脂能力！

「係真唔係呀？」即刻睇下TANITA 體重研究所早前做嘅「呼氣分析實驗」就知啦。

「腰骨坐直」嘅情況下，每一公斤體重，一分鐘可以多攝取0.5ml氧氣。吸多咗氧氣可提高消脂能力，就以體重50公斤嘅人為例，腰骨坐直40分鐘就比「軟賴賴」咁坐多消耗4.8kcal 啦！

驟眼睇，4.8kcal好似好微不足道咁，1個月就係144kcal (相等於一條鳳仙/ 一條脆皮樂)！！站立40分鐘，消脂效果更加顯著！10日就可以多消耗298kcal (3/4 個士多啤梨忌廉蛋糕)，1個月就892kcal，相等於一個燒肉定食！哇，係咪好吸引呢？

當然所有事情都係要持之以恆先會有效！不過只要坐立習慣變一變，體型體態靚咗之餘，仲可以有助瘦身減磅，你都試下啦！